House resolution vangin lawm

Mizoram Literature and Language Teachers' Academy (MILLTA) chuan, Assembly budget session neih mekah, March 9, 2026-a Educa-

tion minister Dr Vanlal-thlana official resolution, ‘Eighth Schedule to the Constitution of India-ah Mizo ṭawng hi telh tura hmalak ni rawh se’ tih lungrual taka pawm a ni chu lawmawm an tih thu an tarlang.

MILLTA chuan thuchhuah siamin, resolution sawihonaah political party hrang hrang aiawha thusawi-tute'n India Consti-tution 8th Schedule-a Mizo ṭawng a pawi-mawhzia hriaa reso-lution an thláwp vek chu hnam anga inlungrualna lantirtu a nih thu an tarlang a, "8th Schedule-a Mizo ṭawng telh ve tura dilna leh ngenna awm mek pawh he resolution hian chak lehzuala a nawr theih ngei kan beisei," an ti.

January 23, 2026-a Mizoram Education Reforms Committee ṭhukhawmin, Mizorama English medium school zawng zawngah chawlhkar khatah ni khat tal ‘Mahni Ṭawng Hman Ni’ (Home Language Day) siam a rawt pawh lawmawm an tih thu leh, rawtna hi sorkarin a takin kalpui ngei se an duh thu MILLTA chuan an tarlang bawk.