Aizawla veng fai ber - Chawnpui

Urban Devemopment & Poverty Alleviation (UDPA) department, Central YMA leh Aizawl Smart City Ltd te ṭanghoin Aizawla YMA branch anga veng fai inelna an buatsaihah Chawnpui veng pakhatna an ni a, lawmmanah Rs 3,00,000 leh citation an dawng.

Central YMA enkawlna hnuaia awm Aizawla YMA branch-te veng faia an inelnaah hian September -November, 2025 chhung khan endik thawh khatna neih a ni a; endiktute'n an endik pahin YMA branch hrang hrangte chu kâwmin, faina lama hma an lak dante an zawt ṭhin. Kumin 2026 January & February khan endik thawh hnihna neih leh a ni bawk.

Veng fai inelna hi March 31, 2025 khan UDPA minister K Sapdanga'n a hawng a, nimin khan Lammuala Chapchàr Kût hmannaah result puan niin, chief minister Lalduhoma'n lawmman a sem.

AIZAWLA VENG/YMA BRANCH FAI ZUALTE

1-na Chawnpui Branch - Rs 3,00,000

2-na Laipuitlang Branch - Rs 2,00,000

3-na Republic VT - Rs 1,00,000

3-na Electric Veng - Rs 1,00,000

Salem Veng, Tanhril Vengthar, Tanhril, Lengpui, Lengpui Model, Venghnuai, Tlangnuam Vengthar, Durtlang North leh Mission Vengthlang ten consolation prize an dawng a ni.