KHAWTHLIR
YMA hlan
Home minister R Lalzirliana chuan nimin khan a pisaah Krismas leh kum thar vuakveta ruihhlo dona atana YMA branch hrang hrangte hman turin Central YMA hruaitute hnenah Rs. 10,00,000 a hlan. Home Minister chuan, hunpui lo thleng turah mi tinin him leh thlamuang taka hun an hman tlan theih nan dan leh thupek khauh taka kalpui a nih tur thu sawiin, mi dangte tana harsatna siam lo zawnga hun hmang turin mipuite a ngen.
CM thilpek
Chief minister Lal Thanhawla chuan a Discretionary Fund aṭangin Krismas thilpek atan district pariata home, damdawi-in, tar châwmna leh chanhaite enkawlna hrang hrang 78 hnenah Rs. 2,58,700 a sem chhuak. Thilpek hi Aizawl district-a hmun 28, Lunglei district-a hmun 13, Siaha district-a hmun panga, Champhai district-a hmun pariat, Kolasib district-a hmun 10, Lawngtlai district-a hmun paruk, Serchhip district-a hmun paruk leh Mamit district-a hmun pahnihah pek a ni.
Kulikawn carnival
Kulikawn Branch YMA chuan December 29 & 30 khian an veng kàwnah Grand Carnival an buatsaih dawn a, mi zawng zawng tan tel theih a nih thu an sawi. Carnival-ah hian intihhlimna chi hrang hrang leh thil chi hrang hrang man theihna a awm dawn a ni.
Mizo thuziah Univ-ah zir dawn
Govt. Aizawl College-a English department-a associate professor Lalrinmawii Khiangte thuziak chu Christ University, Bangalore-a Department of English zirlaiah seng luh a ni. Lalrinmawii Khiangte thuziah hi 'For a better tomorrow' tih a ni.
Advance Christmas
Serchhip district MJA leh Serchhipa Mizo Zaimi Inzawmkhawm (MZI)-te chuan nimin khan Serchhip District Jail-ah Advance Christmas an hmang a; Serchhip DC Dr Lalrozama'n a hmanpui. Pawl pahnihte hian jail-a tángte chu hun hmanpuiin, zaithiamte an zai a, zanriah an kîlho a ni.