No Vehicle Zone laia lirthei kal dan tur
Aizawl Traffic SP chuan December 23, 24 leh 31-a Zodin Square leh Chanmari inkara No Vehicle Zone hun chhung, chawhma dar 10 leh tlai dar 4 inkara lirthei tlan dan tur a ruahman. Ruahmanna hian chhiatrupna thil thleng, kângmei leh emergency pawimawh bika duty te, dan leh thupek pawimawh bika police duty-te a huam lo.
Aizawl City Traffic ruahmanna
1. Chanmari leh Zodin Square inkarah zing dar 10 aṭanga tlai dar 4 chhungin lirthei, thirsakawr leh nawrlirhte tlân/nawr phal a ni lo.
2. Civil Hospital Aizawl aṭanga chhuak chhim lam pan turte chu Dawrpui biak-in lamah kual loin Bazar Bungkawnah an kal tlang nghal tur a ni.
3. Dawrpui taxi stand chu Baza Tlang hnuai, AR Mandir ep leh AR Quarter Guard hnuaiah sawn a ni.
4. No Vehicle Zone chhungin Chanmari leh Power House inkarah lirthei reng reng hûn phal a ni lo.
5. Chanmari leh Power House inkarah LMV chin hnuai lam, passenger la leh dah turte tan khawi zawng pawhin tlan phal a ni a, P&E Office kawt zawlah kualin dropping zone-ah passenger dah/lak a, Chanmari lamah let leh tur a ni.
6. Zion Street pawh chhohna step-ah chho zawng chauhin mipuite kal tur a ni a, chhuk zawnga kal turte chu Shanghai Bazar (Dr. Rohawka Building) lamah kal tur a nih bakah, Power House lam aṭangin luh thlak tur a ni.
7. Kawngpui danga lirthei tlân dan tur - hmar lam pana kal turte tan -
(i) Tlak lamah: Temple-Vaivakawn kawngah Hunthar Veng junction an pan ang a, LMV leh a aia tête chuan Hunthar Veng junction to Bawngkawn via Company Pêng bakah, Chanmari West lamah chhoin Chanmari aṭangin hmar lam an pan thei.
(ii) Chhuah lamah: Sikulpuikawn-Ramhlun Road via Republic Veng-College Veng-Bethlehem Veng-Chhinga Veng-Electric Veng lamah a kal theih. Treasury Square to Electric Veng via Republic Veng-College Veng-Bethlehem-Chhinga Veng lamah a kal theih bawk.
(iii) Ramthar Sihpui aṭanga New Market pante chu Bazar Bungkawnah chhuah chhoh phal a ni lo a, Modern H/S bulah kual thlain Chhinga Veng lamah an lêt ang.
(iv) Chhinga Venga Bethlehem péng aṭangin Bazar Bungkawn kawng, Ch.Chhunga in lamah tlan chhoh phal a ni lo.
8. Chhim lam pante tan -
(i) Hrangbana College bak pelh theih a ni lo.
(ii) Chanmari biak-in aṭangin Vaivakawn kawng lamah a kal theih.
(ii) Bawngkawn to ITI Road via Ramhlun, Electric Veng, Bethlehem, Republic Veng kawngah a kal theih.
9. Dropping leh pick-up: Hmar lamah maxicab chin hnuai lam tan passenger dah leh la tur ringawtin Hrangbana College aṭangin Mizo High School Field thleng a kal theih a, Mizo H/S Field-ah motor a dah theih ang. Zarkawt lamah chhuk thlak phal a ni lo. Chhim lamah Zodin Square aṭangin Canteen Kualah, AR Mandir hêlin chhim lamah kual lêt tur a ni.
10. No Vehicle Zone huam chhung, Hrangbana College - Mizo High School Field road, Chanmari Traffic Point - Power House road, Temple to Vaivakawn road, Vaivakawn to Hunthar, Company Peng - Chanmari West - Chanmari kawn, Bawngkawn - Sikulpuikawn via Ramhlun - Aizawl Venglai - Modern High School - Saron Veng - Bethlehem Veng - Republic Veng - Upper Republic kawngpui, Armed Veng - Chhinga Veng (Bethlehem peng), Chhinga Veng - Electric Veng, Ramthar Sihpui - Electric Veng kawngahte kawng sirah lirthei dah phal a ni lo.