Convention Centre tur enfiah

Cheng nuai 600 senna tur, Armed Veng Convention Centre tur sak mek chu nimin zing khan bialtu MLA, minister Lalsawta'n a tlawh a, hna thawh dan a enfiah.

Lalsawta chuan, Congress ministry kal mek chu an inlungrual hle tih sawiin, "Department-te thawkhoa hmalak dawnin harsatna neuh neuh a awm duh hle. Tun ṭumah chuan kan inlungrual hle a, hei hian hmasawnna hna thawh kawng-ah min pui a ni," a ti.

Armed Veng local council chairman R Vanṭhuama pawhin thu sawiin, "Convention Centre satu contractor-in ṭha takin hna a thawk niin kan hria a, duhthusam a nih leh nih loh khawtlang hruaitute a ráwn reng a ni," a ti a; Centre chu ṭha taka sak nia a hriat thu a sawi.

Armed Veng Convention Centre hi June 2017-a sak zawh hman tura ruahman a ni a; a chhungah basketball court, table tennis hall, taekwondo hall, meeting room leh thil dangte a awm dawn a ni.