Airport thar siam turin hma la

General Adminis-tration department enkawltu chief minister Lalduhoma chuan, Mizo­ramah airport thar siam turin hmalak mek a nih thu nimin khan Assembly House a hrilh.

Chief Minister hian ZPM member H Ginzalala zawhna chhangin, airport atan South Mualcheng (Lunglei district), Mampui (Lawngtlai district), Ngûr (Champhai district), Lungdup (Champhai district) leh Champhai zawl (Champhai district) te ena hmalak mek a nih thu a sawi a, "Airport Authority of India chuan pre-feasibility study nei turin data an mamawhte an rawn thehlut a, data mamawhte hi lak khawm mek a ni," a ti.