Dan ennawn turin minister ngen

Centre for Environment & Social Justice (CESJ) chuan nimin khan PHE Minister hnenah lehkha thehlutin, The Mizoram Ground Water (Control and Regulation) Act, 2023 leh a Rules 2024 ennawna leh siamṭha (amend) turin an ngen.

CESJ chuan, The Mizoram Ground Water (Control and Regulation) Act leh Rules-ah Mizoram dinhmun nena inhmeh lo, ṭha tawk lo leh duhthusam lo, siamṭhat ngai a awm nuala an hriat thu an ziak a; dan chu ennawna siam ṭha turin an ngen a ni. Dan siamṭhat a nih hma chuan lei chhunga tui lak phalna leh registration thar pe chhuak tawh lo turin an ngen bawk.