KHAWTHLIR

Thisen pe

Assembly of God Jehova Shalom ṭhalaite chuan nimin khan Civil Hospital, Aizawl tan thisen unit 25 an pe a, petute mipa 18 leh hmeichhia pasarih an ni.

Police office leh quarters sa dawn

Home minister K Sapdanga chuan nimin khan Assembly session-ah ZPM member Jeje Lalpekhlua zawhna chhangin, Hnahthial, Khawzawl, Saitual leh Siaha-ah police office leh quarters te sak a nih dawn thu a sawi. Office leh quarters sakna aan SASCI aṭangin cheng vbc 8 ṭheuh sên a nih dawn thu a sawi bawk.

CM ngen chhuah

MNF member Lalrinsanga Ralte zawhna chhangin Home minister K Sapdanga chuan, Mizoram state tana kum 2025-a Border Security Force (BSF) mi 300 lak chu Chief Minister-in Union Home Ministry aṭanga a dil leh ngen chhuah a nih thu nimin khan Assembly House a hrilh.

Training zo thlah

Mizoram Youth Commission, Honda India Foundation leh Visan Foundation ten an buatsaih, kum 2025-2026 atana Project Buniyaad Hotel Management (Food & Beverages) batch hnuhnung bera training mi 17-te chu nimin khan thlah an ni. Mi 17-te hi Taj Damdama, Gurugram, Taj Coromandel, Chennai, Tenpins Hospitaity, Kolkata leh Holiday Inn Express & Suits, Bengaluru-ah te an thawk nghal dawn a ni.

Thiamhnáng tah inzirtirna buatsaih

ICFRE-Bamboo and Rattan Centre, Bethlehem Vengthlang chuan nimin khan Edenthar Veng MHIP Hall-ah thiamhnáng tah inzirtirna an buatsaih ṭan a, bialtu corporator H Lalremtluanga'n a hmanpui. Training hi chawlhkar khat awh tur a ni a, Edenthar Venga mi 20 an tel a ni.

Airport revenue nuai 2,776 hmu

Assembly session-ah nimin khan GAD changtu chief minister Lalduhoma chuan MNF member K Laldawngliana zawhna chhangin, kum 2024 aṭanga January 2026 thlengin Lengpui Airport aṭangin revenue Rs 27,76,31,421 hmuh a nih thu a tarlang.