KHAWTHLIR

PUC-in thisen pe

Pachhunga University College chuan nimin khan an hmunah Civil Hospital, Aizawl tan thisen unit 194 an pe a, petute mipa 127 leh mipa 67 an ni. PUC hian March 10, 2026 khan Civil Hospital tan thisen unit 205 an lo pe tawh bawk.

Mamawh vangin lei

March 16, Assembly session-ah MNF member K Laldawngliana zawhna chhangin GAD changtu chief minister Lalduhoma chuan, Indian Air Force (IAF)-te'n Lengpuia ram an leina chhan chu an mamawh vang a nih thu House hrilhin, "Lengpui Airport hi IAF/midang emaw kuta hlan leh hlan loh chungchang nen a inzawmna a awm lo," a ti.

Hulhliap SCC skill training

Hulhliap Short Stay Centre chhuakte tana MFM Skill Training Centre, Dawrpui Vengthara a thlawna thiamthil zirna sorkarin a buatsaihah nimin khan assistant electrician batch 4-na leh plumbing batch hmasa ber ṭan a ni a; tun ṭumah hian Hulhliap SSC chhuak mi 18-in assistant electrician leh mi 20-in plumbing an zir dawn a ni. Hualhliap SCC aṭanga chhuakte tana skill training buatsaih a nih tirh aṭanga nimn thlengin mi 118-in thil hrang hrangah training an zo tawh a ni.

PPP mode-a sikul kalpui dan tur rel

Chief minister Lalduhoma hoin nimin khan a pisaah public private partnership (PPP) hmanga kohhran leh sorkarin sikul an kalpui dan tur sawiho a ni a; School Education minister Dr Vanlalthlana, Education department consultant Rev. Dr K Thanzauva bakah Education department official-te leh kohhran aiawh sawm bikte an tel.

IWD hmang

Siaha District Hub for Empowerment of Women chuan nimin khan MADC Golden Jubilee Hall-ah 'International Women's Day (IWD)' an hmang a; kumin IWD thupui chu 'Rights, Justice, Action for Women and Girls' tih niin, Siaha khawpui chhunga MCHP General Headquarters, MHIP, LWA leh MSO Headquarters aiawhte bakah anganwadi worker-te an tel.