MHIP-in hmala turin sorkar ngen

MHIP chuan thuchhuah siamin, March 12, 2026-a F Lallawmkimi (31) w/o PC Lalremruata, Zobawk nau chunga a thi chu an lainat thu an tarlang a; a ṭul anga hmala turin sorkar an ngen.

MHIP chuan, damdawi-in lamin hmeichhia ṭanpui ngai an lo dawngsawng thei lo chu hriatthiam harsa an tih thu tarlangin, "Hmeichhiate'n ṭanpui leh ngaihven kan ngaih lai ber, nau kan vei leh neih hunlai taka hetiang thil a thleng hi a pawi tak zet a ni. Tun chinah chuan, hetiang hun harsa leh rapthlak tak mai hi tu chungah mah thleng tawh lo se," an ti.

F Lallawmkimi'n a kalsan tak nausen leh a chhungte Pathianin hualhimin thlamuan se a duhthu MHIP chuan an tarlang tel a ni.