MLA-in hlawhtlinna changte lawmpui

Aizawl East II bialtu MLA B Lalchhanzova, minister of state chuan nimin khan a pisa-ah a bial chhunga ṭhalai, tun hnaia hlawhtlinna changte chawimawina leh lawmpuina hun a buatsaih.

B Lalchhanzova ṭhalaite chu kan ram leh hnam hmabakte an nih thu sawiin, "Kan ramin hma a sawn dawn chuan ṭhalaite an fel a ngai. Ṭhalaite pangchang lo ula, rilru huaisen tak pu ang che u," a ti a, hlawhtlinna changte chu mite ṭanpuina rilru pu tur leh theihtawp a midang tana malsawmna ni tura luangchhuak turin a chah.

MLA-in lawmpuina a hlante hi tunhnaia MCS-a tling thar Chawngthu Lalrinhlua, MIS-a tling thar Lalremsiami,

Lawmpuina hi Chawngthu Lalrinhlua (MCS), Lalremsiami (MIS), 7th UMAI National Muaythai Championship, 2026-a gold medalist Jonathan Zomuanpuia, Under 23 One day Plate Group Champion Team player Zothansangi leh Hmangaihsangi bakah Mizoram Cricket Academy coach H Malsawmdawng-famkimate an ni.

He hunah hian Aizawl East-II Bialtu MLA chuan a bial chhunga ṭhalai hna zawng mekte Staff Selection Commission (SSC) exam inbuatsaihna kawnga an inbuatsaihna puitu atan Chase Academy, Vaivakawn nen thawhhona thuthlung an ziak.