Ruihhlo do hi mi tin mawh a ni - Adviser to CM

YMA Sub Headquarters, Hnahthial chuan March 19, Nilaini khan Sailoliana Rûn, Rawpuiah inkhawmpui an hmang a; an hun hmanpuitu adviser to CM TB Lalvenchhunga, MLA chuan, ruihhlo do chu mi tin mawh a nih thu a sawi.

TBC Lalvenchhunga chuan, ruihhloin Mzoram a rûn mek thu sawiin, "Chhungkaw tin deuhthaw a khawih tawh. Ruihhlo do hi mi tin kut a ni. Insûm theih a pawimawh," a ti a; ruihhlo donaa YMA hmalakna chu a fakawm a tih thu leh sorkar pawhin a thawhpui nasat thu a sawi.

Hnahthial Sub-Headquarters YMA inkhawmpuiah hian thupui chu 'Ruihhlo do' tih a ni a, Hnahthial district chhunga YMA group leh branch hrang hrangte an tel. March 19 khan palai lawmna leh vantlang inkhawm neih a ni a; nimin chhunah rorel leh hruaitu thar thlanna hun hman niin, zanah vantlang inkhawm buatsaih a nih hnuah a ṭiak a ni.