Nikum khan ram pawn aṭangin mi 11,484 an rawn zin

Tourism department chhinchhiah danin, kum 2025 chhung khan India ram páwn aṭangin Mizoramah mi 11,484 an rawn zin.

Nikum chhunga Mizoram tlawha rawn zin zawng zawng chu mi 8,41,322 an ni a, chu'ng zinga 8,29,838 chu India ram state hrang hrang aṭanga rawn zin (domestic tourist) niin, mi 11,484 chu international tourist an ni.

Kum 2024 chhung khan Mizoramah mi 4,27,302 an rawn zin a, chung zinga 4,21,888 chu domestic tourist niin, mi 5,414 chu international tourist an ni.