Mission AIDS Suraksha sawiho

Serchhip District AIDS Prevention & Control Committee chuan March 18, Nilaini khan district bawrhsap Paul L Khuma hoin DC meeting hall-ah Mission AIDS Suraksha kalpui dan tur an rêl.

Mission AIDS Surak-sha-in a tum chu, HIV vei 95% talin an nihna an inhriat theihna tura zau zawka enfiahna neih te, HIV vei hmuh chhuah zinga 95% talin ṭha taka ART an lak theih nana hmalak leh, ART latu zinga 99%-in an ṭhatpui a, mi dang kai chhawng thei lo khawpa viral load hniam neihtirte a ni.