Rualbanlo fa neite tan zirhona buatsaih

Social Welfare, Women & Child Development depart-ment leh Spastic Society of Mizoram chuan nimin khan Dawrpui Multipurpose Centre-ah ‘Sensitization workshop for parents of children with special needs’ an buatsaih a, SWWCD secretary Lalzarmawii'n a hmanpui.

Zirhonaah hian Mizorama special school leh centre hrang hrang aṭangin rualbanlo fa nei nu leh pate an tel a; ni tin khawsaknaa buaina leh harsatna hrang hrang an hmachhawn ṭhin te, an fate harsatna vanga zirna-in leh khawtlang nun bakah, chhungkua leh kohhrana harsatna an tawh ṭhinte sawiho a ni a, mithiamte nen hmalakho dan tur leh an fate enkawl zel dan turte sawiho a ni.

Lalzarmawii chuan, fate zinga rilru leh pianphunga harsatna nei nu leh pate dinhmun chu eng emaw châng chuan harsa tak a nih tur thu a sawi a, "Beidawng mai lo leh kawng awm ang angte dap zel thei tura inhrilhfiah hi tihmâkmawh a ni," a ti a; nu leh pate chu an rawngbawlna an koa tla hlen tura theihtawp chhuah zel turin a fuih bawk.