CAMPA fund-a hnathawh endik a ni

Mizoram State Project Monitoring Committee (MSPMC) team chuan March 18, Nilaini khan vice chairman R Lal Rinawma, IRS kaihhruaiin Central Nursery, Sairang Dinthara CAMPA fund hmanga hnathawhte an endik.

Steering Committee of State Authority of CAMPA, Mizoram rorel bawhzuia Finance department leh Planning & Programme Implementation department thuchhuak angin MSPMC chu Mizoram State CAMPA fund hman dan endik tura ruat a ni a; MSPMC team chuan Mizoram CAMPA fund hmanga hnathawh kal mek leh sum hman dante (list of activities, utilisation of fund) an zir chiang a ni.

MSPMC team hian Central Nursery, Sairang Dinthara naubán chìnna hmun siam ṭhat mek leh, thing leh hnim chi hrang hrang chungchang sawifiahna hmun tihchangtlun leh enkawl hna thawh dante an endik a; Aizawl Forest Division hotute'n an lo dawngsawng. MSPMC team hian an hmuh dan report siamin, Mizoram sorkara an thehluh leh dawn a ni.