Champhaiah Atoot Bandhan buatsaih

Mizoram Ex-Service League (MESL) Sub-Headquarters, Champhai chuan nimin khan Champhai Circuit House-ah Atoot Bandhan an buatsaih a, Champhai South bialtu MLA leh MESL Headquarters president Lt Col. Clement Lalhmingthanga'n a hmanpui.

Lt Col. Clement Lalhmingthanga chuan, Mizo sipai bángte chu an awmna khawtlangah mi ṭangkai leh hlu tak an nih deuh vek thu te, Territorial Army Mizo Battalion pian chhuah dan leh hma an lak tawh dante a sawi a; Mizo Territorial Army chu Champhai leh a chhehvela rîkrum thil, khuarel chhiatna leh ramri buai thuta pun mai theih tur an nih thu a sawi bawk.