MLA-in YCA inkhawmpui an hmanpui

Marpara Zone Young Chakma Association (YCA) chuan nimin khan Hnahva Community Hall-ah inkhawmpui an hmang a, Dampa bialtu MLA Dr R Lalthangliana'n a hmanpui.

Dr R Lalthangliana chuan inkhawmpui hmanpui tura bialtu MLA a nih anga an sawmve avanga a lawmthu sawiin, "Mizoram chhunga awm vek kan ni a, kan ṭawng leh culture a inang lo viau ang. Mah se, kan inzawmna erawh tha takin kan siam reng tur a ni. Zoram chhunga cheng tawh phawt chuan Zoram nuam taka siam hi kan hna pui ber ni rawh se. Nakinah chuan in hun pui nikhuaah YMA leh YLA-te pawh inunauna tha zawk neih theina turin sawm ve ṭhin ang che u," a ti.

Hun rei tak aṭanga lokal pui tawh, MNF sorkar hun lai atang tawha bialtu MLA hmasa Lalrintluanga Sailo pawhin a ngaih pawimawh em em ṭhin Pukzing to Silsuri kawng siamna chu cheng nuai 9,500 sanction fel a nih tawh thu sawiin, "Contractor pawh thlan fel a ni tawh hi kan lawm hle a, ṭha taka siam anih theih nan tute pawhin kan vil uluk hle tur a ni," a ti a, Bikabekia leh Mar North inkar kawng siamṭhatna tur pawh PWD lam a be tawh a, harsatna a awm a rin loh thu a sawi.

Thorang bial leh Dampa bial huap Marpara Zonal YCA hian khaw 17 huamin branch 15 an awm. Inkhawmpui hi March 19 aṭang khan an hmang ṭan a, vawiinah a ṭiak ang.