KHAWTHLIR

Meth an man

March 19, Ningani khan Mizoram Police leh Assam Rifles ṭangkawp chuan Hmunhmelṭha kawng, Myanmar lam hnaihah kawng sira ding truck (AS/11 G - 3222), a khalhtu awm lo aṭangin methamphetamine kg 7.90 an man. Methamphetamine leh truck hi chhuizui turin Excise & Narcotics department, Champhai hnenah an hlan.

ASF zangnadawmna

Lunglei district-a kum 2024-a ASF avanga vawk suat 3,443 neitu chhungkaw 623 hnenah nimin khan zangnadawmna pek kim a ni a; zangnadawmna hi March 6-20, 2026 chhung khan pek niin, a vaiin Rs 2,14,92,775 a ni.