Indigenous Games & Cultural Festival a ṭiak

Doordarshan, Aizawl leh Mizoram Indige-nouse Association ten March 18, 2026 aṭanga Ramhlun Sports Complex-a Mizo infiamna hrang hrang hmanga inelna 'DD Indigenouse Games & Cultural Festival 2026' an buatsaih chu March 21, Inrinni khan khar a ni.

Indigenouse Games & Cultural Festival ṭum thumnaah hian infiammi 352 telin, mipa 226 leh hmeichhia 126 an ni a; Aizawla veng 13 bakah, Aizawl pawn khua 12 leh India ram pawn aṭangin infiammi pakhat an tel. Mizo infiamna chi ruk - insuknawr, inbuan, insaihruipawh, inarpasual, invawr leh kalchhet hmangin mimal leh a huho angin an intihsiak a ni.

Games & Festival khârnaah hian lawmman chi hrang hrang sem a ni a, lawmman atana pawisa an sem zat chu Rs 5,52,000 a ni.