Sihhmui kaiah nghakuai chiah rûnpui

Fisheries department, Sihhmui Branch YMA leh Mizoram Angling Association te chuan March 20-21, 2026 chhung khan Tlawng Sihhmui Kaiah Nghakuai Chiah Rûnpui vawi hnihna an buatsaih a, nghakuai chiaha inelna hrang hrang lawmman sem a ni.

Sorkar thuchhuah tarlan danin, Nghakuai Chiah Runpuiah hian khua a ṭhat loh avangin nghakuai chiah an tam lo a, mahse, kum hmasa lam aiin sangha man zat a tam zawk. Sangha man lian berin kg 6.825-a rit a man a, sangha tam berin sangha pariat a man a ni.

Fisheries secretary Lalrothanga hoin Nghakuai Chiah Runpui hi khar a ni a; sangha leh luidung nungchate humhalh a pawimawh zia sawiin, "Hemi ti tur hian nungcha humhalh mai bakah, kan luidungte a bawlhhlawh loh nana kan humhalh tel a ṭul. Kan bawlhhlawh leh thlì te luidunga a luh loh nan mi tin kan fimkhur a ngai a ni," a ti.