Zirlaibu hlui sem

Electric Veng Branch YMA chuan an Literature & Education Sub-Committee hmalaknain March 21, Inrinni khan Sakawrpului-ah zirlaibu hlui la hman tlâkte a thlawnin an sem a, an veng mi leh veng pawn lam mi eng emaw zatin zirlaibu an la.

Electric Veng mi, zirlaibu hlui, la hman tlak neite'n YMA hruaitute hnenah an hlan a, YMA hruaitute'n March 21 khan a duh apiang lak turin Sakawrpuluiah an pho chhuak a ni. Electric Veng YMA hian zirlaibu hlui khawn khawm leh a thlawna sem hi kum 2024 leh 2025 khan an lo ti tawh bawk.