Mamit mipui himna tur sawiho

Mamit SP pisaah nimin khan SDPO Lal­hmangaihhlua kaihhruaiin Mamit khawpuia pawl hrang hrang te, police hotute leh Excise & Narco­tics department hotute an ṭhukhawm a; Krismas leh kumthar vuakvêta Mamit khawpui himna leh rálmuanna atana hmalak dan tur an sawiho.

Meeting chuan, Mamit khawpuia YMA branch hrang hrang te, JAC te, Police leh Excise-te nen a huhoa duty an rél a, joint operation neih ṭan hun atan December 20, 2019 ruatin, khawpui chhung hmun hrang hrangah an insem darh dawn a ni. YMA branch tinte chu an huam chhung ṭheuhah a remchan dan anga duty post siam tur­in an ti a, YMA duty-naah police awm tel zel turin an ruahman. ILP chungchangah, uluk leh fimkhur zawka kalpui an rél bawk.