Hulhliap SSC batch 9-na ṭan a ni

Mizoram sorkar, Mizoram Synod leh tlawmngai pawl hrang hrangte chuan nimin khan Synod Revival Camping Centre, Sihphir Neihbawihah Hulhliap Short Stay Centre batch kuana an buatsaih ṭan.

Hulhliap SSC hi ruihhlo vanga harsatna tawkte chhan chhuahna tura tih niin, ṭum riat buatsaih a lo ni tawh a; ruahman dan chuan, batch kuana hi a hnuhnung ber tur a ni.

Hulhliap SSC batch kuanaa lut turte tan nimin khan Central YMA Office leh Bawngkawn YMA Hall-ah inziah luhna hun hawn niin, mi 245 an inziak lut. Lut turte chu thil pawimawhte hrilhfiah an ni a; tlai lamah Transport department bus pali leh city bus pakhat hmangin Synod Revival Camping Centre panpui an ni.

Batch hmasa lama tih tawh dan angin, Hulhliap SSC-a lutte hi a tir lam ni 10 chhung chu ruihhlo nghei vanga an taksain a tawrh lutuk loh nan enkawl an ni dawn a; chumi hnuah ni nga chhung rilru lama mithiamte'n an enkawl ang a, a tawp lam ni nga chhung chu Synod Revival team-te'n an enkawl ve leh dawn a ni.