RIPANS Hospital thar hawn a ni

RIPANS Hospital chu nimin khan RIPANS director Dr Sanjay D Sawant-a'n a hawng a, a, inentir theih a ni tawh. Damdawi-in thar hawnnaah hian RIPANS-a thawkte bakah, Zemabawk veng hrang hranga khawtlang hruaitute an tel.

Regional Institute of Paramedical and Nursing Sciences (RIPANS) hotute hnena aṭanga thu dawn danin, RIPANS Hospital-a thawk tur hian tun hnai khan doctor eng emaw zat lak thar a ni a, chung zingah chuan specialist eng emaw zat an tel.

Hawn a nih tâk avang hian Out Patient Department (OPD)-ah inentir theih a ni tawh a; OPD-ah hian Medicine, Psychiatry, Paediatric, Dental, Physiotherapy leh Optometry department-te hawn phawt a ni. Inentir tur tan zing dar 9:30 aṭanga chhun dar 12:30 thleng hming ziah theih a ni a; thisen test leh a dangte tih theih a ni bawk.

Bungrua leh khawl chi hrang hrang thleng lo a la awm nual avangin damlo enkawl (admit) erawh a la theih loh thung.

RIPANS Hospital March 3, 2021 khan sak ṭan a ni a, khum 100 awm theihna tura duan a ni. Department dang - Emergency, nau neihna leh ICU hawn belh thuai tum a ni bawk.