Mamitah Plastic Free Zone cum National Award lawm

Nimin khan Mamita IPR Conference Hall-ah UDPA leh PHE department buatsaihin Plastic Free Zone cum National Award (Swachh Mohatsav 2019) lawm a ni a, district bawrhsap Dr Lalrozama khuallian a ni.

Mamit DC chuan, mi ṭhahnemngai leh inpe tak takte zarah Mamit khawtlang a mawi tih sawiin, "Kan hma lam hunah tih tur hmabak leh hna hautak tak tak hmachhawn tur nei mah ila, kan khawtlang inlungrualna avangin ṭha taka kan hlen theih ka beisei," a ti a; national awardee Laltharzeli hmalakna chu chhuanawm a tih thu a sawi rualin, ṭhahnemngai taka hma la chhunzawm zel turin a fuih. 

Inkhawmah hian Mamit district faina leh thianghlimna tura theihtawp chhuahtute DC Dr Lalrozama, PHE EE Lalzawmliana leh Mamit SDO (Sadar) HD Lalpekmawia te hnenah chawimawina thuziak hlan a ni.