CM leh OSD to CM chungah zirlaite lawm

J Thankima College Staff Welfare Committee leh Students' Union chuan thuchhuah siamin, study tour an nei haw lama an harsatna tawh chinfelsaktu chief minister Lalduhoma leh OSD to chief minister Jonathan Lalremruata chungah an lawm thu an tarlang.

JTC Staff Welfare leh SU tarlan danin, zirlai leh zirtirtute chu Sikkim-ah study tour-in an kal a, March 15, 2026 khan haw turin Sikkim an chhuahsan. New Jalpaiguri aṭanga Guwahati an panna rêl chu tihkhawtlai a ni a, zan dar 9:30 vela Guwahati thleng tur a ni.

Guwahati aṭanga Sairang pan tur rêl chu zan dar 7-a chhuak tur a ni si a, an mangangin Chief Minister's Office an bia a, OST to CM chuan Railways hotute biain hma a la zui. CMO hmalakna angin zirlaite chuanna rêl chu ngaih pawimawh bik niin, tlan tlangtir char char a ni a, Guwahati-Sairang rêl pawh tihkhawtlai a ni bawk.

CMO hmalakna chungchangah hian JTC Staff Welfare leh SU chuan, "Kan manganna min chinfelsaktu CM Pu Lalduhoma, OSD to CM leh CMO staff zawng zawng chungah lawmthu kan sawi. Mizoram train delay vanga harsatna tawk an awm chuan an hriatthiamna kan dil e," an ti.