Aizawl faina chungchangah inràwnkhawmna buatsaih

Aizawl College (GAC) hnuaia Research, Innovation and Extension Cell chuan nimin khan an hmunah Aizawl khawpui faina chungchanga inràwnkhawmna, 'Consultation on Clean Aizawl: Urban Cleanliness and Visitor Management' tih an buatsaih.

Inràwnkhawmna hi Prof. Vanlalringa Bawitlungin a kaihruai a, GAC principal Lalbiakzuala’n inlawmna thu a sawi. Aizawl Smart City Ltd deputy chief executive officer V Lalruatliana'n faina lama Aizawl khawpui hmasawna dan te, ṭan lakna turte a sawi a; sawihona hun hman a ni.