Kuhva tawlh leh dahṭhat khap

Aizawl district magistrate Lalhriatpuia chuan nimin khan thupek chhuahin, Aizawl district chhungah kuhva tawlhruk leh dahṭhat khap a ni tih a puang.

BNSS 2023 Section 163-in thuneihna min a pêk angin Aizawl district-ah sorkar hriatpuina loin kuhva tawlh leh dahṭhat khap a nih thu tarlangin Aizawl District Magistrate chuan, "Thupêk bawhchhia chu BNS 2023 Section 223 hnuaiah hrem theih an ni," a ti a; thupek hian thla hnih chhung a huam tur thu a tarlang.

Aizawl District Magistrate chuan, sorkar hriatpuina tel loa kuhva phurh te, tawlh leh a dahṭhatna hmun (kudam) siamte chu dân kalh tlat a nih thu tarlangin, "Hemi laka Aizawl district mipuite kan inhnamhnawih loh a, kan lo him zel theih nan dân loa kuhva tawlh khapna thupek chhuah a lo ngai leh ta a ni," a ti.