Punjab leh HP chanchinbumite'n Mizoram an tlawh kual mek
Press Information Bureau (PIB), Jalandhar, Punjab bultumin Punjab leh Himachal Pradesh-a chanchinbumite'n Mizo-ramah press tour an nei mek a, nimin khan Aizawl Press Club an tlawh a, Mizoram Journalists' Association (MJA) hruaitute leh mem-ber-te nen an inkâwm.
Mizorama press tour nei mekte hi Punjab leh Himachal Pradesh-a chanchin-bumi paruk an ni a, PIB, Jalandhar-a media and communication officer Dr Vikram Singh-a'n a rawn hruai. Nimina Aizawl Press Club an tlawhnaah hian MJA president C Lalrambuatsaiha bakah, office bearer dangte leh member-te'n an lo dawngsawng a; Mizoram chanchin an hriat duhte zawtin, an inhrilhfiah a ni.
Punjab leh Hima-chal Pradesh-a chanchin-bumite hi March 22, 2026 khan Aizawl an rawn thleng a, Mizorama hmun hrang hrang an tlawh hnuah March 28, 2026-ah an haw ang. Nimin khan IPR Directorate an tlawh bawk a, IPR director K Vanlalsangi leh officer dangte nen an inkâwm a ni.