Leithûm khuain Haw Rûnpui an hmang

Leithûm khua chuan nimin khan an khaw community hall-ah Haw Rûnpui an hmang a, Art & Culture minister C Lalsawivunga leh bialtu MLA Ramthanmawia ten an hmanpui a, Leithum khua tihmingṭhatute chawimawina an ni.

Khuallian C Lalsawivunga chuan, Leithum khuain sakhuana, zirna, sorkar leh ram rorelnaah mi chhuanawm tak tak a hring chhuak tawh tih a sawi a; Leithum mi leh sate chu an awmna ṭheuhah intodelh tum tur te, mahni hmazâwnah rinawmna vawng tlat tur te, an eizawnnaah hmasawn zel tur te, intodelh khua ni tur leh khaw dangte entawn nih tum tur tein a chah.

Khualzahawm Ramthan-mawia pawhin thu sawiin, khawtlang hmasawnna atan zirnaah ṭan lak a ṭul thu leh ramngaw leh tuihna humhalh a ṭul thu a sawi a; ruihhloin Mizo ram leh hnam a tihchhiat nasat avangin ruihhlo doa khawtlang ṭanrual a ṭul thu leh, dik taka sum leh pai lak luh leh sumpai lak luh ang angte khawl nachang hriat a ṭul thu a sawi bawk.

Leithum khua hi Hualngo lal Hualzasela (Pa Huala) leh a hote'n kum 1896-ah an luah ṭan a, kum 1996 khan centenary an lawm tawh a, tunah hian kum 130-na an hmang mek a ni.