Ram humhalh chungchang sawiho

Serchhip district bawrhsap Paul L Khuma hoin nimin khan DC meeting room-ah ramngaw humhalh (reserved forest) chungchangah sorkar hotute leh khawtlang hruaitute an ṭhukhawm a; ram humhalh chungchanga thil pawimawhte an sawiho.

Ṭhutkhawma tarlan danin, Supreme Court thupek angin Land Revenue & Settlement department chuan contour-based mapping of district area -wise reserved forest chu MIRSAC Director hma la turin a hriattir a; district tina assistant commissioner (Revenue)-te chu an huam chhung ṭheuha reserved forest huam chhunga mimal ram neite list siam tura tih an ni.

Forest reserve area-a ram neite chu an enkawl dan azira category siam a ngai a, a hmuna endik (field verification) kalpui vek tur niin, April 15, 2026 hmaa peih tura beisei an ni. Forest department chuan verification an buaipui dawn a, VC-te pawh an huam chhunga mite ngun taka lo enfiah tura chah an ni.

Ṭhutkhawmah hian sorkar official-te bakah, Thenzawl West, Neihloh, Hualtu leh Hmunṭha khuaa VC aiawhte an tel.