Loneitute leh mithiamte inkâwm

Central Agricultural University (CAU) hnuaia College of Horticulture, Thenzawl chuan nimin khan a hmunah 'Farmer-Scientist Interaction Programme cum Farmers Fair' an buatsaih a, Horticulture secretary Maria CT Zuali'n a hmanpui.

Fair-ah hian Serchhip leh Thenzawl khuaa thlai chingtu hlawhtlingte thlai tharte leh College of Horticulture-a zirlaite thil siam chi hrang hrang pho chhuah a ni a; chawhnu lamah loneitute leh College of Horticulture-a thawk mithiamte'n inkawm khawmna hun an hmang a, zawhna leh chhanna hunte an hmang bawk.

Horticulture Secretary chuan, loneitu chu ram tan mi hlu bik an ni thu leh, Covid-19 vanglaia ram innghahna an nih thu a sawi a, "Kut hhnathawktu nih vanga incheina ṭawp tak inbel leh bâl taka awm ṭhin a mawi lo," tiin, taima tak leh tumruh taka hna thawk zel turin a fuih a; Horticulture department-in an theih chinah a tak taka kut hna thawktute'n hlawhtlinna an hmuh theih nan hmalak zel an tum thu a sawi.