Zemabawk West Local Council inthlanah ZPM chak

March 25, Nilainia Zemabawk West Local Council inthlan neih zawh taka vote tlate chu zanah chhiar nghal a ni a, ZPM-in seat li lain hnehna an chang.

Zemabawk West LC-ah hian seat nga awmin, seat khat chu hmeichhe tana reserved a ni. Hmeichhe seat-ah vote 279 hmutu Lalengmawii (ZPM) thlan tlin a ni a, general seat-ah chuan vote 310 hmutu Vanneihthanga (ZPM), vote 303 hmutu Lalremchhunga (ZPM), vote 275 hmutu David Lalsiamliana (ZPM) leh vote 247 hmutu Lalsiamliana (INC) te thlan tlin an ni.