MLA-in tuizem 500 a vailiam

Serlui bialtu MLA Lalrin-sanga Ralte chuan March 25, Nilaini khan a bial chhunga chhungkaw 500 ta tur tuizem 500 chu Vairengte aṭangin a vailiam.

Lalrinsanga Ralte chuan tuizem sem a nih chhan sawiin, "Kan bial chhunga mi harsa zawkten, tui thianghlim leh hrisel zawk in tur an neih nan leh ṭhál tui harsat lai pawha tui thianghlim in tur an mamawhnate a phuhruk sak beiseina avanga sem a ni. Tuizem hi sem chhunzawm zel a ni ang," a ti.

MLA fund chu a bial chhung khaw hrang hrang hmasawnna tur atan leh hmeithai, mi harsa zawk leh kut hnathawktute tan a tam thei ang bera hman a tum thu sawiin Serlui Bialtu MLA chuan, "Kan bial hi ramri depa awm kan ni," a ti a, Mizoram hmel lanna pawimawh tak an nih thu a sawi.

Lalrinsanga Ralte chuan hmasawnna hna nasa taka thawh ngaihna bial a nih vangin sorkar pawhin Serlui bial chu ngai pawimawh se a duh thu a sawi a bawk.

Tuizem sem tur hi phase hrang hrangah ṭhen niin 1st phase-ah chhungkaw 360 hnenah sem a ni tawh a; 2nd phase-ah 500 sem leh a ni. Tuizem hi litre 1,000 dawng a ni.