Siahaah India sipaia ṭan tumte tan kawng inkawhhmuhna buatsaih

Army Recruiting Office, Aizawl chuan nimin khan Saiha College seminar hall-ah India sipaia ṭan tumte tan Agnipath scheme chungchangah kawng inkawhhmuhna an buatsaih a; SDC Dr Lalnunfela Chhangte-in a hmanpui.

Kawng inkawh-hmuhnaah hian Army Recruiting Office, Aizawl hotute, SDC Z Lalnghak-tluanga, Saiha College zirlai leh National Cadet Corps (NCC) member-te an tel a; sipaia ṭan tumte tan online-a dilna thehluh dan video an en ho bakah, sipai nunchan hlimthla an thlir ho a ni.

Agnipath scheme hnuaia sipaia ṭan tumte tan April 1, 2026 thleng online hmanga inziahluh theihna hun hawn a ni a, hre chiang duh tan www.joinindianarmy.nic.in ah en theih a ni.