Ekta Diwas Painting Competition 2026

Art & Culture department leh Mizoram Art Development Society ṭangkawpin Sadar Vallabhbhai Patel-a piancham vawi 150-na puala ‘Ekta Diwas Painting Competition 2026’ an buatsaih chu March 26, Ningani khan zawhfel a ni a; intihsiaka nti ṭhate hnenah lawmman sem nghal a ni.

Painting competition-ah hian category pali - kum 13 hnuai lam, kum 14 – 18, kum 19 – 25 leh kum 26 chin chung lam tan buatsaih a ni a, thupuiah ‘Unity in Diversity’ tih hman a ni.

Intihsiakna kharna inkhawm hi Art & Culture deputy director Zirsangzuali'n a kaihruai a; joint director F Lalthanmawia'n intihsiaknaa a tiṭhate hnenah pawisa leh certificate a hlan.