Tu leh fate'n nungchang mawi leh ṭha an neih theih nan nu an pawimawh - Dy Speaker

Assembly deputy speaker Lalfamkima chuan, khawtlang nuam, ralmuang leh ruihhlo laka fihlim a awm theih nan chhungkua a pawimawh hmasa ber tih sawiin, tu leh fate'n nungchang mawi leh ṭha an neih theih nan nute an pawimawh thu a sawi.

Lalfamkima hian March 27, 2026 khan Zampuimanga Hall, Bairabi-ah MHIP Sub-Headquarters, Kolasib inkhawmpui vawi 16-na a hmanpui a; Mizo hmeichhiate'n kawng hrang hranga hma an sawn chak thu leh khawtlang leh sorkarah pawh dinhmun pawimawh tak tak an luah chho zel chu lawmawm a tih thu a sawi a, "Khawtlang ṭha, ralmuang leh ruihhlo laka fihlim kan neih theih nan chhungkua a pawimawh hmasa ber a, chumi atan chuan nu te'n tu leh fate nungchang mawi leh ṭhaa enkawl kawngah mawhphurhna lian tak an nei a ni," a ti.

Inkhawmpiuah hian Kolasib additional DC B Malsawmtluangi pawhin thu a sawi a; District Legal Services Authority (DLSA) aṭangin mithiamte'n mipui zirtirna hun an hmang bawk.