Adviser to CM-in kawng siam a enfiah

Adviser to chief minister (Finance) TBC Lalvenchhunga, MLA chuan March 29, 2026 khan Kawnpui leh Sairang inkar kawng thawm ṭhat mek a tlawh a; PWD chief engineer Robin Lalrinawma bakah, hnathawktu company pathum - J Intratech, BR Goyal leh Balaji Constructions hotute nen hnathawh dan an sawiho.

Kawnpui-Khamrang inkar NH kawngpui siam hna chu J intratech-in an thawk a, dense bituminous macadam (DBM) leh water bound macadam (WBM) an zo thawkhat tawh a; bituminous concrete siam mek bakah, an siam zawh tawh ṭhenkhat chhe leh tawh laite an thawh ṭha mek bawk. Hna thawh mekte chu April 20, 2026 hmaa zo turin Adviser to CM chuan a chah.

Khamrang-Buichali chu BR Goyal-in an siam mek a, an zo thawkhat tawh a, tui luankawr an siam mek. Buichali-Sairang inkar chu J intratech-in thawk mekin pavement concrete Ccement (PCC)-in single lane ṭhenkhat an siam zo thawkhat tawh.

TBC Lalvenchhunga chuan, Sairang Zero Point aṭanga Sairang khaw chhung lamah hna bul ṭan tur leh, April thla tir aṭanga hna ṭan tur leh April 10, 2026 hma ngeia zo turin a hrilh a ni.