Zirtirtu aikal late lakah hma la turin MSU-in Minister an ngen

Mizo Students’ Union (MSU) General Headquarters hruaitute chuan nimin khan Education minister Dr Vanlalthlana an hmu a, Education department-a aikal late chungah dan anga hma la turin an ngen.

MSU hruaitute chuan, Educatoin department-ah zirtirtu aikal la mi 14 an awm thu Education Minister hrilhin, hma la tur leh bawhzui turin an ngen a; Education Minister chuan a bawhzui tur thu leh hmalak nghal a nih tur thu a lo hrilh tih MSU chuan an tarlang.

MSU chuan, MSU silver jubilee pualin Durtlang Football Stadium-ah nimin khan Inter College MSU Cup Football Tournament an buatsaih ṭan tih an tarlang bawk.