Muga pangang tui siamna hmun Thenzawlah siam tum mek a ni

State Sericulture Farm, Thenzawl chu muga pangang siam chhuahna atan siam tum mek a ni a; Farm hi nimin khan Sericulture director Lalrinawma leh Central Silk Board scientist-te'n an tlawh.

Mizorama muga pangang khawitute mamawh muga pangang tui siam chhuahna hmun atan State Sericulture Farm, Thenzawl hi Central Silk Board, Ministry of Textile hnenah pek a ni dawn. Hei vang hian Sericulture Director leh Central Silk Board scientist-te'n nimin khan a hmunah an endik a; Farm tihchangtlunna atana in sak dan tur te, a hmunhma hungna (fencing) turte leh tui lak dan turte a hmunah an enfiah a ni.

Sericulture Farm panna kawng Thenzawl Vengthar aṭanga Farm inkar km 1.2-a thui cheibâwlna tur chu bialtu MLA, chief minister Lalduhoma'n PWD kaltlangin hma a laksak a ni.