AMC chuh tum zingah inhnûkdâwk an awm lo

Aizawl Municipal Corporation (AMC) inthlanpui neih tura chuh tuma hming pe lutte inhnuhdawh theih hun chu nimin tlai dar 3 khan a tawp a; chuh tuma hming pe lut mi 68 zingah inhnûkdâwk an awm lo.

AMC Election 2026-ah hian INC, MNF leh ZPM te chuan ward awm zawng zawng (19)-ah candidate an nei vek a, BJP-in ward 11-ah candidate an nei. Candidate-te hi an vaiin 68 an ni a, mipa 41 leh hmeichhia 27 an ni.

State Election Com­mis­sion-in hunruat a siam angin nimin tlai dar 3 thleng khan inhnuhdawh tumte tan hun hawn a ni a, candidate mi 68-te zingah inhnûkdâwk an awm lo. Kumina AMC inthlanah hian candidate mi 68 an awm dawn ta a ni.

Nimin khan Aizawl district election officer Lalhriatpuia, municipal election officer ni bawk kaihhruaiin April 21, 2026-a AMC inthlan tura election official atana ruatte'n inthlan atana inpuahchahna an thlirho.

Tun ṭum AMC inthlana hman tur electoral roll-ah voter 2,39,989 an awm a ni.