Aieng kg 71,600 vailiam

Mizoram State Rural Livelihoods Mission (MzSRLM) hnuaia Ropuiliani Women Farmer Producer Company Limited (FPC) chuan Kolasib leh Mamit district-a an member (shareholder)-te thar aieng kg 71,600 a leisak chu SSB AGRO LLP, Mizoram hnena hralh turin nimin khan Kolasib DRDO project director Lalmuanpuia'n Kolasib DC pisa tual aṭangin a vailiam.

Ropuiliani Women Farmer Producer Company Limited hian district pasarih leh RD Block 16 huamin, shareholders (SHG) mi 9,500 chuang an inziaklut tawh a; an member-te hnen aṭang hian sawhthing leh Mizo hmarchate an leisak tawh bakah, district dang aṭangin aieng leh sawhthing lei leh turin an inruahman mek a ni.