COVID-19: Mizoram dinhmun Hripui vei mi 7 hmuh belh a ni
January 13, Nilaini khan Mizoramah Covid-19 vei mi pasarih hmuh chhuah a ni a, an zingah tualchhunga kái mi pahnih an awm. Nimin khan hripui laka fihlim tawh mi panga chhuahtir an ni thung.
Covid-19 vei hmuh chhuahte chu mipa pali leh hmeichhia pathum an ni a; ZMC laboratory-a hmuh mi paruk leh Rapid Antigen Test (RAT) hmanga hmuh mi pakhat an ni. District pariatah TrueNAT-PCR hmangin sample endik ni mah se, hripui vei hmuh chhuah a ni lo.
Nimin khan Covid-19 laka fihlîm tawh mi panga chu enkawlna hmun aṭangin chhuahtir an ni a; SRH-ZMC leh Lunglei Sazaikawn CCC aṭangin mi pahnih ve ve leh Lunglei Pûkpui aṭangin mi pakhat an chhuak a ni.
Mizorama Covid-19 vei hmuh chhuah tawh chu mi 4,310 an ni a, mipa 3,160 leh hmeichhia 1,150 an ni. Nimin tlai dar 5 thleng khan damin mi 4,205 (97.56%) chhuahtir an ni tawh a, mi pakua (0.21%) thi tawhin, enkawl mek mi 96 (2.23%) an awm.
January 13, Nilaini khan ZMC laboratory-ah swab sample 356, TrueNAT-PCR hmangin district pariatah sample 128 leh RAT hmangin district pariatah sample 380 endik a ni a; sample endik zawng zawng chu 864 niin, chuta ṭanga Covid-19 vei hmuh chhuah mi pasarih chu 0.81% a ni.
Sorkar thuchhuah tarlan danin, ZMC laboratory-a RT-PCR hmanga hmuh chhuah mi parukte chu mipa pali leh hmeichhia pahnih an ni a, naupang kum 9 mi pahnih an tel. Aizawl district-a swab sample lâk vek an ni a, symptom nei an awm lo.
Mizoramah swab sample 1,90,042 endik a ni tawh a, chu'ng aṭang chuan Covid-19 positive mi 4,310 hmuh chhuah niin, endik zat aṭangin 2.27% a ni. Covid-19 vei hmuh chhuah tawh mi 4,310 zinga mi 2,041 chu Mizoram chhunga kái chhâwng an ni a; mi 2,269 chu Mizoram páwn aṭanga an rawn luh hnua hmuh chhuah an ni.
Mizorama district 11 zinga panga - Siaha, Champhai, Serchhip, Mamit leh Hnahthial district-ahte Covid-19 vei an awm rih lo.
ZMC-a hmuh chhuahte:
Saron Veng - 1: Hmeichhia kum 63, tualchhunga kái, kàina hriat, home quarantine lai, symptom nei lo.
Zemabawk - 1: Mipa kum 31, tun hnaia Manipur aṭanga haw, home quarantine mek, symptom nei lo.
Border Roads Organization - 1: Mipa kum 53, BRO GREF mi, tun hnaia Delhi aṭanga rawn lut, Project Pushpak quarantine facility, Zemabawka awm lai, symptom nei lo.
Assam Rifles - 3: Mipa kum 9 mi pahnih leh hmeichhia kum 29; tun hnaia state páwn aṭanga rawn lut, Zokhawsanga 46 AR hmuna khung hran mek, symptom nei lo vek.
RAT hmanga hmuh:
Lawngtlai AOC Veng - 1: Hmeichhia kum 17, zirlai, hostel-a luh hun a hnaia hriat vanga sample endik, hri kàina hriat loh, symptom nei lo.
Sample endik zat leh +ve zat
Endikna hmun Sample Hripui vei
endik zat hmuh zat
Mizoram páwn 58 1 (GMC)
ZMC laboratory 94,380 2,617
TrueNAT-PCR 17,397 663
RAT 78,225 1,029
BELHKHAWM 1,90,042 4,310