CYMA-in BSF camp tlawh

Central YMA hruaitute chuan nimin khan Vairengte dáia BSF camp an enfiah. CYMA vice president Lalhmachhuana chuan, camp sak chu sawiselna hrang hrang a awm vanga enfiah an nih thu a sawi.

BSF-te chuan, an camp-a duhkhawp loh hrang hrangte CYMA hruaitute an hrilh a; an bul maia Assam sorkarin SSB tana camp changtlung tak a buatsaih chu rualawhthlak an tih thu sawiin, "Mizoram sorkarin min ngaihsak se kan duh hle a ni," an ti.

Lalhmachhuana chuan, Mizo mipui venghim tur a awm an nih angin theihtawp chhuah turin a chah a; camp ṭha leh ngêlnghet zawk sak a nih theih nan Mizoram sorkarah Central YMA-in hma an lak tur thu a sawi a ni.