Ramri-ah fimkhur turin ngen

Kolasib District Magis-trate chuan thuchhuah siamin, April 9, 2026 khian Assam-ah MLA inthlanpui neih a nih dawn avangin, ramri hrûla khawsa leh veivâk ṭhinte fimkhur thiam tur leh, thil pawi thleng thei laka inveng turin a ngen.

Magistrate chuan, Assam inthlanpui avang hian Election Commission of India inkaihhruaina hnuaiah state inrina (inter-state border) hnaivaiah venhimna khauh zawka kalpui mek a nih thu a tarlang a, "Duty leh patrolling-te pawh uar a ni," a ti a; March 29, 2026 zana Bairabi Zophaia boruak ṭha lo tak thleng chu pawi a tih thu leh, a thlen nawn tawh loh nan a ṭul anga hmalak a nih dawn thu a tarlang.

Kolasib District Magis-trate hian thlaphâng lo turin mipui a chah a; District Administration leh sorkar hmalaknate thlawp a, theihtawp chhuah tlâng turin mipui a ngen bawk.