MISA-in General Conference an hmang

Mizoram Information Service Association (MISA) chuan nimin khan IPR Lianchhiari Rûnah General Conference an hmang a; Information and Public Relations, Printing and Stationery (IPRPS) secretary Betsy Zothanpari Sailo-in a hmanpui.

Betsy Zothanpari Sailo chuan, MISA member-te chu intuaithar a, ram leh hnam tana chhenfâkawm lehzuala sorkar kum thar atana inhlan thar turin a chah a, "Mipui vantlang tana hriat tur pawimawh leh sorkar hmel tarlangtu kan ni a, kan dinhmun pawimawhnate hi ngun takin ngaihtuah ang u," a ti.

MISA General Confe-rence chawhma inkhawm chu vice president Pratap Chhetri-a'n a kaihruai a, president Malsawmsanga'n inlawmna thu sawiin, IPR director K Vanlalsangi, MISA patron-in thu a sawi. MPSC buatsaih Mizoram Civil Services (Combined Competitive) Examination 2025 kaltlanga lak MIS officer tharte lawm luhna hun hman a ni.

Chawhnuah lamah rorel a ni a, MJA hruaitute kaihhruaiin kum 2026-2028 chhung MISA hruaitu tur thlan a ni bawk.