College tan Cultural Competition buatsaih

Mizo Students’ Union (MSU) Gen. Hqrs chuan MSU silver jubilee pualin nimin khan Dawrpui Multipurpose Hall-ah Inter-College Cultural Competition an buatsaih.

Inter College Cultural Competition-ah hian cheraw, chheihlâm, tlangau leh buhthlei hmangtein college hrang hrang an intihsiak a; Women & Child Development department deputy director Flora Lalṭanpuii'n awareness hun a hmang bawk.

MSU president B Lalkhawngaihzuala chuan, Mizo hnam lâmte leh Mizo ṭawng chu Mizote ti Mizotu a nih thu a sawi a, "Kan vawn nun reng loh chuan Mizo hnam hi a boral mai dawn. Vawiina kan hnam lâm thiamte hian mawrhphurhna pawimawh tak kan neih chu, a la thiam lo kan naute hlan chhâwn leh kan hnam lâm leh ṭawng te chawi vul zel a ni," a ti.

MSU hian an silver jubilee pualin Inter Col-lege MSU Cup Football Tournament an buatsaih mek bawk a; vawiin hian 1st MAP Ground, Armed Vengah J Thankima College leh Hrangbana College ten final an khel dawn a ni.