DGP-in police-te hman tur electric scooter 15 a vailiam

Police Modernization scheme hnuaia lei electric scooter (Ather) 15 chu police station hrang hrang leh Aizawl Traffic Police hman turin nimin khan Police Headquarters aṭangin director general of police (DGP) Sharad Agarwal-a'n a vailiam.

Sharad Agarwal chuan, electric scooter-te chu hmeichhiate him nan leh khawtlang râlmuan zawkna atana hman tura lei a nih thu a sawi a; patrolling nan leh khawtlang ralmuanna atan ṭangkai taka hmang turin scooter dawngtute a chah.

Electric scooter hi Aizawl City Traffic Police hnenah pathum pek a ni a; Aizawl PS, Bawngkawn PS, Vaivakawn PS leh Kulikawn PS hnenah pahnih ṭheuh, All Women PS, Zonuam Outpost, Lunglei PS leh Champhai PS hnenah pakhat ṭheuh pek a ni.