Speaker-in medal latu lawmpui

Assembly speaker Lalbiakzama chuan nimin khan a pisaah a bial Chalfilh constituency chhung mi Lalhmangaihsangi, Dilkhan, tun hnaia Khelo India Tribal Games-a Mizoram tana bronze medal dawngtu chu thingpui a inpui a, lawmpuina thuziak a hlan.

Lalbiakzama chuan, a bial chhung aṭanga Khelo India-a medal dawng thei khawpa talent nei ṭha an awm chu a chhuan thu a sawi a; mi dangte tan entawn tlaka nun fimkhur tur leh nasa lehzuala ṭan la zel turin a fuih.

Lalhmangaihsangi hi March 28-31, 2026 chhunga Chhattisgarh-a Khelo India Tribal Games-ah Mizoram aiawhin wrestling (kg 76)-ah a tel a, bronze medal a la a ni.